सँगै पढेर हुर्किएका साथी भाई सम्झन्छु
साथीभाइ मध्ये अभागी आफूलाई सम्झन्छु
कसैले असफल भएको विगत सोध्यो भने
सबैभन्दा पहिले मैले मेरो पढाई सम्झन्छु
अहिलेसम्म मैले पाएको दुःख भन्दा ठूलो म
जन्मिँदा आमाले पाएको दुखाई सम्झन्छु
सहरमा गाडीहरूको आवाजले दिक्क लाग्दा
गाउँको गोठमा कराउने बाख्रा भैंसी गाई सम्झन्छु
बालापनको सबै भन्दा खुसीको कुरा गर्नु पर्दा
घरमा पाउना आउँदा ल्याइदिएको मिठाई सम्झन्छु
